İlkin Fikrətoğlu 
Günün kuponu – 01.03.2023
“Arsenal” – “Everton” – 1
Premyer liqada 7-ci turdan təxirə salınmış bu oyunda meydan sahibi aşkar favorit sayılır. 20 komanda arasında hazırda 18-ci yerdə olan “Everton”un lider komandadan xal alacağı inandırıcı görünmür. “Arsenal” qələbə qazanarsa, ən yaxın izləyicisi “Mançester Siti” ilə xal fərqini 5-ə yüksəldəcək. Bu isə londonluların nisbətən rahat “nəfəs almasına” imkan verəcək.
“Sankt Qallen” – “Bazel” – QOL/QOL
İsveçrə Kubokunun 1/4 final mərhələsi bir oyundan ibarətdir. Tərəflər duelin “lotoreya”ya – əlavə vaxt və ya penaltilər seriyasına qədər uzanmaması üçün 90 dəqiqə ərzində qalibi müəyyənləşdirməyə çalışacaq. Hər iki komandanın hücum xətti və aralarındakı görüşlərin statistikası bu matçda qarşılıqlı qollar gözləməyə əsas verir.
“Herenven” – “Feyenoord” – 2,5 ÜST
Sentyabrın 18-də PSV-yə məğlubiyyətdən sonra “Feyenoord” Niderlandda heç bir rəqibə uduzmayıb ( Oktyabrda “Şturm”a məğlubiyyət Avroliqada qeydə alınıb). Hazırda Erediviziyada inamla liderlik edən Rotterdam klubu kuboku da qazanmaqla “Qızıl dubl” etməyi hədəfləyib. Amma bir oyundan ibarət 1/4 finalda “Feyenoord”u inadkar “Herenven” gözləyir. Rotterdamlıların “Abe Lenstra Stadion”a son 4 səfəri isə bol qolla müşaiyət olunub. Hər matçda minimum 3 qol!
