Elnur Məmmədli 
Sürpriz kupon – 11.02.2022
“Portu” – “Sportinq” – QOL/QOL
Çempionluq uğrunda mübarizə aparan komandaların oyunu böyük maraqla gözlənilir. Birinci dövrədə Lissabondakı oyunda qalib müəyyənləşməmişdi – 1:1. Sentyabrın 11-də keçirilmiş həmin matçdan bu yana “Portu” çempionatda bütün oyunlarda (16) qələbə qazanıb! “Sportinq” isə “Braqa” məğlubiyyətindən sonra son iki turda rəqibləri üzərində qalibiyyət əldə edib. Favorit “Portu” sayılsa da, bu cür çempionluq matçlarında bəzən sürprizlər də olur. Odur ki, qol/qol daha sərfəli variantdır.
“Leyptsiq” – “Köln” – 1
“Leyptsiq” son oyunda “Bayern Münhen”ə sona qədər müqavimət göstərməyə çalışsa da, məğlubiyyətdən qaça bilmədi 2:3. Buna qədər Domeniko Tedeskonun komandasının Bundesliqada ardıcıl 3 qələbəsi var idi. Maraqlıdır ki, “Köln” də son məğlubiyyətini “Bayern Münhen”dən alıb – 0:4. Son vaxtlar bu komandaların duelində aşkar favorit olmayıb. Amma düşünürəm ki, doğma meydan amili “Leyptsiq”in xeyrinə işləyə bilər.
“Aue” – “Holstein Kiel” – 2
Vaxtilə milimizə çağrılan Dmitri Nazarovun komandası “Aue” indi heç də yaxşı günlərini yaşamır. “Aue” son qələbəsini noyabrın 20-də qazanıb. Komanda son 7 oyunda yalnız 1 xal toplaya bilib. “Holstein Kiel” isə son 3 matçda 7 xal yığıb. Öz aralarındakı görüşlərdə də üstünlük “Holstein Kiel”in tərəfindədir.
