ETOPAZ 
“Qarabağ” “Olimpiakos”u məğlub etdi
Avropa Liqasında qrup mərhələsinin 3-cü turuna start verilib. “Qarabağ” “Olimpiakos”un qonağı olub.
Görüş qarşılıqlı hücumlarla başlayıb. Komandaların səylərinə baxmayaraq ilk hissədə hesab açılmayıb. Ağdamlılar ikinci yarıda üstünlüyünü artırıb. Bu, özünü 68-ci dəqiqədə göstərib. Ovusu Kvabena hesabı açıb. “Köhlən atlar” 82 və 85-ci dəqiqələrdə daha iki qol vurmağı bacarıb. Marko Veşoviçlə Ramil Şeydayev adlarını tabloya yazdırıblar. Matç komandamızın 3:0 hesablı qələbəsi ilə yekunlaşıb.
Qeyd edək ki, “Qarabağ” qrupda növbəti oyununu bu rəqiblə oktyabrın 13-də Bakıda keçirəcək.
