ETOPAZ 
İlk dəfə avrokuboklarda
İngiltərəni avrokuboklarda təmsil edəcək daha bir komanda müəyyənləşib. “Brayton” qitə miqyaslı turnirlərdə oynamaq hüququ qazanıb.
Roberto de Dzerbi buna Premyer Liqanın XXXVII turunda nail olub. “Sauthempton”a 3:1 hesabı ilə qalib gələn “Brayton” 36 oyundan sonra 61 xalla 6-cıdır.
“Aston” Villa”nın 58, “Tottenhem”in 57 xalı olsa da, onların hərəyə bir oyunu qalıb. “Brayton” isə hətta “Liverpul”un qərarlaşdığı 5-ci yerə də şansını qoruyur.
Bununla da komanda Avropa Liqası və ya Konfrans Liqasında oynamaq hüququ əldə edib. Bu, klub tarixində ilk belə uğurdur.
Qeyd edək ki, “Brayton” 2017-ci ildən Premyer Liqada çıxış edir.
