ETOPAZ 
ABŞ millisində ciddi itki
ABŞ millisinin yarımmüdafiəçisi Kristian Pulişiçin durumuna aydınlıq gəlib. Dünya çempionatının qrup mərhələsinin II turunda İranla oyunda zədələnən 24 yaşlı futbolçu tibbi müayinədən keçib.
Komandasına qələbə gətirən yeganə qolun müəllifi olan və qapıçı ilə toqquşaraq xəsarət alan “Çelsi”nin oyunçusunun çanaq sümüyünün əzilməsi diaqnozu qoyulub. Zədə səbəbindən ABŞ-ın aparıcı oyunçusu mundialın 1/8 final mərhələsində Niderlandla matçı buraxmaq riski ilə üzləşib.
Qeyd edək ki, 1/8 finalın Niderland – ABŞ oyunu dekabrın 3-də keçiriləcək.
