ETOPAZ 
Olavio Juninyo: “Əlimizdən gələni edəcəyik”
Sabah Avropa Liqasının Liqa mərhələsinin II turunun oyunları keçiriləcək. “Qarabağ” “Malmö”nü qonaq edəcək.
Matçdan öncə ağdamlıların hücumçusu Olavio Juninyo mətbuat konfransında iştirak edib. Sizi onun fikirləri ilə tanış edirik:
”Bütün ölkə, şəhər, azarkeşlər üçün çox önəmli oyun olacaq. Azarkeşlərimizi sevindirmək üçün əlimizdən gələni edəcəyik. Avrokubokların son üç oyununda qol vura bilməmişəm. Bütün bunları aradan qaldırmağın yolu məşqlərdə çalışmaqdır. Daha məhsuldar olmağım və komandaya xeyir verməyim üçün baş məşqçi mənə köməklik göstərir”.
