ETOPAZ 
Mecik Consonun forması 1,5 milyona satıldı
NBA-nın əfsanəsi Mecik Consonun oyun geyimi satılıb. “Heritage Auctions”a çıxarılan geyim 1,5 milyon dollara satılıb. Bu, Consonun 1980-ci ildə NBA-nın finalının 6-cı oyununda geyindiyi və basketbolçu tərəfindən imzalanmış maykadır. Həmin vaxt “Leykers”in debütantı olan Mecik komandasını tarixinin 7-ci çempionluğuna daşımışdı. Onun 42 xal topladığı görüşdə 123:107 hesabı ilə qalib gələn Los-Anceles təmsilçisi 8 ildən sonra çempion adını qazanıb.
Xatırladaq ki,digər əfsanə Maykl Cordanın Şimali Karolina Universiteti komandasında daşıdığı forma bir müddət əvvəl 1,38 milyona satılmışdı.
