ETOPAZ 
Keyni dayandıran tapılmır
Harri Keyn Avropa çempionatlarının seçmə mərhələlərində ardıcıl 11-ci oyunda qol vurub. İngiltərə millisinin hücumçusu AVRO-2024-ün Malta ilə matçında fərqlənib. O, penaltini dəqiq yerinə yetirib.
Onun uğurlu seriyası 2019-cu ilin martında başlayıb. Həmin vaxt Keyn Çexiyaya (5:0) qol vurub. Seriya müddətindəki 11 matçda forvard 15 dəfə fərqlənib.
Qeyd edək ki, İngiltərə Maltanı 4:0 hesabı ilə məğlub edib.
