Sənan Şəfizadə 
Günün kuponu – 06.10.2024
Aston Villa – Mançester Yunayted ÜST2.5
Əvvəlki əzəmətini itirən “Mançester Yunayted” ardıcıl dörd matçda qələbəyə həsrət qalıb. Meydan sahibləri isə Çempionlar Liqasında “Bavariya”ya qalib gəlməklə sürprizə səbəb olub. Bu komandaların son iki ildə baş tutan duellərində məhsuldar nəticə qeydə alınıb. Fikrimcə bu oyunda “qol yağışı” izləyəcəyik.
Brayton – Tottenhem QOL/QOL
İngiltərə Premyer Liqasında qonşu pillələrdə qərarlaşan komandaları bir-birindən cəmi 1 xal ayırır. Maraqlıdır ki, “Brayton” ötən 5 ayda evdə uduzmayıb. Meydan sahiblərinin məhsuldar heç-heçəyə nail olacağını düşünürəm.
Fiorentina – Milan 1-ci hissə ÜST1.5
A seriyasında ilk 6 turda rəqib qapısına ən çox qol vuran klublardan biri “Milan” səfərdə “Fiorentina”nın qonağı olacaq. Çempionlar Liqasında əvvəlcə “Liverpul”a, ardınca “Bayer”ə uduzan rossonyerlər azarkeşləri qarşısında bəraət almağa çalışacaq. Fikrimcə “Milan” bu matçı uduzmayacaq və ilk hissədə artıq üstünlüyünü hesabda əks etdirməyə nail olacaq.
