ETOPAZ 
Danimarka DÇ-2022-yə vəsiqə qazandı
DÇ-2022-nin final mərhələsinin daha bir iştirakçısı bəlli olub. Danimarka millisi Qətərdəki çempionata vəsiqə qazanıb.
Şimallılar bu hüququ Avropa zonası üzrə seçmə mərhələnin VIII turunda əldə edib. Avstriyanı 1:0 hesabı ilə məğlub edən danimarkalılar öz qrupunda 1-ci yeri təmin edib.
Keçirdiyi 8 oyunun hamısında qalib gələn yığma qol da buraxmayıb. 24 xala malik Danimarka millisi 27 cavabsız qol vurub.
Xatırladaq ki, Qətərin meydan sahibi kimi qatılacağı mundiala Almaniya da vəsiqə qazanıb.
