ETOPAZ 
Rudiger “Yuventus” yolunda
“Çelsi”nin müdafiəçisi Antonio Rudiger klubunu dəyişməyə yaxındır. Onun yeni komandası müəyyənləşmək üzrədir.
Almaniyalı futbolçu “Yuventus”a keçməyə hazırlaşır. Hətta yayılan xəbərlərə görə, 29 yaşlı mərkəz müdafiəçisi turinlilərlə 4 illik müqaviləyə qol çəkib. Yayda azad agent statusu daşıyacaq Rudiger “qoca sinyora”ya havayı başa gələcək.
Qeyd edək ki, Antonio Rudiger 2015-2017-ci illərdə İtaliyada “Roma”nın formasını geyinib. “Çelsi” onu 2017-ci ildə 34 milyon funt sterlinqə alıb.
