ETOPAZ 
Vlahoviç Ronaldonun rekordunu təkrarladı
“Fiorentina”nın futbolçusu Duşan Vlahoviç A seriyasında Kriştiano Ronaldonun rekordunu təkrarlayıb. Serbiyalı hücumçu 2021-ci ildə 33-cü çempionat qoluna imza atıb.
O, “Sassuolo” ilə XVIII turun matçında bu göstəriciyə çatıb. Duşan bununla da son 60 ilin rekordunu təkrarlayıb. 2020-ci ildə Ronaldo eyni sayda qola imza atıb.
Vlahoviç növbəti turun “Verona” ilə matçında mütləq rekordu rəsmiləşdirə bilər. Bu qarşılaşma dekabrı 22-də keçiriləcək.
