ETOPAZ 
Vidala üç oyunluq cəza
Çili millisinin və İtaliya “İnter”inin futbolçusu Arturo Vidal diskvalifikasiya olunub. O, yığmanın növbəti üç oyununu buraxacaq.
Buna yarımmüdafiəçinin DÇ-2022-nin seçmə mərhələsinin Ekvadorla görüşdəki (0:2) hərəkəti səbəb olub. Rəqibinin üzünə ayaqla zərbə endirən Vidal 5 min İsveçrə frankı cərimə də ödəməlidir.
Arturo seçmə mərhələnin Argentina, Boliviya və Braziliya ilə matçlarını buraxacaq. O, tsiklin Uruqvaya qarşı keçiriləcək son görüşündə meydana çıxa bilər.
