Tsitsipas Səudiyyə Ərəbistanında oynayacaq
Dünyanın dördüncü raketkası Stefanos Tsitsipas Səudiyyə Ərəbistanındakı sərgi xarakterli nümunəvi turnirdə iştirak edəcək. Bu turnir dekabrın 8-10-da keçiriləcək.
Ona qədər də bir neçə ulduzun iştirakı dəqiqləşib. Daniil Medvedev, Andrey Rublyov, Aleksandr Zverev, Dominik Tim, Sten Vavrinka, Nik Kirios, Teylor Frits və Kemeron Norri də Asiyada korta çıxacaq. Digər üç iştirakçının adı hələ dəqiqləşməyib.
Tsitsipas BƏƏ-dəki yarışa da qatılacaq. Abu-Dabidəki turnir dekabrın 16-18-də təşkil olunacaq.