ETOPAZ 
Sakkaridən unikal göstərici
Dünyanın beşinci raketkası Mariya Sakkari ilin yekun turnirinin yarımfinalına yüksəlib. O, qrup mərhələsində bir set də uduzmayıb.
Mariya hər üç görüşü iki hissədə qələbə ilə başa vurub. Sakkari 2003-cü ildən indiki formatda keçirilən turnirdə belə unikal göstəriciyə imza atan 8-ci tennisçidir.
Onadək “WTA Finals”da bunu Ameli Moresmo, Mariya Şarapova, Jüstin Enin, Vera Zvonaryova, Petra Kvitova, Serena Uilyams və Elina Svitolina bacarıb. Son iki ildə 15-ci dəfə yarımfinala çıxan Mariya bu göstəricidə İqa Şventeklə şərikli liderdir.
