ETOPAZ 
Ronaldo Lissabona köçməyə hazırlaşır?
“Mançester Yunayted”in portuqaliyalı hücumçusu Kriştiano Ronaldo Lissabona köçməyə hazırlaşır. O, buradakı evinin tikintisi ilə bağlı işləri sürətləndirib.
Qeyd olunur ki, 37 yaşlı futbolçu evi daha əvvəl 20 milyon avroya almışdı. Ronaldo villanı 2023-cü ilin yayına qədər tamamlamaq üçün memardan tikintini sürətləndirməsini istəyib. Elit ərazidə yerləşən malikanə Portuqaliyanın ən bahalı daşınmaz əmlakına çevriləcək. Ev 2,7 min kvadratmetr sahəsi olan üç mərtəbədən, 544 kvadratmetr açıq sahəsi, müxtəlif bağlar və böyük hovuzdan ibarətdir.
