ETOPAZ 
Qriliş Messidən ilham aldıqlarını bildirdi
“Mançester Siti” İngiltərə kubokunun 1/8 finalında “Piterboro”nu 2:0 hesabı ilə məğlub edib. Cek Qriliş qalib gəldikləri oyunda vurduğu qoldan sonra danışıb.
Yarımmüdafiəçi Lionel Messinin oynadığı videoya baxaraq ilham aldığını bildirib. O, Fodenlə birlikdə argentinalını izlədiklərini söyləyib:
“Maraqlıdır ki, matçdan əvvəl avtobusda stadiona gedəndə mən Fodenin yanında oturmuşdum və Messinin oynadığı videoya baxırdıq. Qol vurduqdan sonra o mənə yaxınlaşdı və dedi ki, bizim baxdığımız qola bənzəyir”.
