ETOPAZ 
“Qarabağ”ın oyunu təxirə salındı
Azərbaycan Premyer Liqasının təqvimində dəyişiklik edilib. Bu barədə qərarı PFL verib.
III turun “Turan Tovuz” – “Qarabağ” görüşü təxirə salınıb. Bu qərar Ağdam klubunun müraciəti, Tovuz təmsilçisinin razılıq məktubuna əsasən verilib.
“Qarabağ”ın Çempionlar Liqasının pley-of mərhələsindəki oyunlarının ölkə idmanı üçün əhəmiyyətini nəzərə alan PFL 3-cü turun “Turan Tovuz” – “Qarabağ” qarşılaşmasının təxirə salınması qərarını qəbul edib. Oyunun vaxtı dəqiqləşməyib.
