ETOPAZ 
Modriçdən rekord
Millətlər Liqasının A Liqasının 1-ci qrupunun 6-cı turunun oyunu keçirilib. Avstriya Xorvatiyanı qəbul edib.
Görüş qonaq komandanın 3:1 hesablı qələbəsi ilə yekunlaşıb. Matçda hesab altıncı dəqiqədə açılıb. Nikola Vlaşiçin keçidindən sonra Luka Modriç fərqlənib. Bu qol xorvatiyalıya millisində tarixi nailiyyətə imza atmağa imkan verib. O, Xorvatiya tarixində ən yaşlı qol vuran futbolçu olub. Yarımmüdafiəçi 37 yaş 16 günlüyündə fərqlənib.
