ETOPAZ 
Maykl Cordanın rekordu qırıldı
Əfsanəvi Maykl Cordanın sahibi olduğu rekordlardan biri qırılıb. Demar Derozan “Çikaqo”dakı ilk 16 oyunda ən çox xal toplayan basketbolçu adına yiyələnib.
Müdafiəçi debüt mövsümündəki ilk 16 görüşdə 425 xal yığıb. Cordan “Bulls”dakı debütdə 424 xal toplamışdı. O, 1984/85 mövsümündə çikaqoluların heyətində debüt edib.
Demar rekordunu “Nyu-York”la matçda rəsmiləşdirib. O, 109:103 hesablı qələbəyə 31 xalla töhfə verib.
