ETOPAZ 
Marrey yenidən yarımfinalda
“Böyük dəbilqə” turnirlərinin üçqat çempionu Endi Marrey uğursuz seriyaya son qoyub. O, 27 aydan sonra ATP səviyyəli turnirin yarımfinalına yüksəlib.
Marrey buna Sidneydə nail olub. O, 1/4 finalda David Qoffeni məğlub edib. Belçikalı ilk setdə 2:6 hesabı ilə uduzandan sonra oyunu davam etdirmək istəməyib. Endi sonuncu dəfə 2019-cu ilin oktyabrında yarımfinala qədər irəliləyib. O, həmin vaxt Antverpen turnirinin qalibi olub.
