ETOPAZ 
Kosta-Rika DÇ-2022-yə son vəsiqənin sahibi oldu
DÇ-2022-nin sonuncu iştirakçısı bəlli olub. Qətərdəki mundialın 32-ci komandası sonuncu qitələrarası pley-offda müəyyənləşib.
Kosta-Rika və Yeni Zelandiya Qətərdə üz-üzə gəlib. Qarşılaşmanın taleyini erkən qol həll edib.
Coel Kampbell 3-cü dəqiqədə Okeaniya təmsilçisinin qapısına yol tapıb. Bu qol kosta-rikalılara qələbə və mundiala vəsiqə qazandırıb. DÇ-2022 noyabrın 21-dən dekabrın 18-dək keçiriləcək.
