ETOPAZ 
FİFA reytinqi açıqlandı
Milli komandaların FİFA reytinqi açıqlanıb. Ötən ayla müqayisədə sentyabr reytinqində bəzi dəyişikliklər olub. Belçika 1-ci, Braziliya 2-ci pillədəki yerini qoruyub. İngiltərə Fransanı 3-cü sıradan sıxışdırıb. Portuqaliya isə İspaniyanı arxada qoyub. İlk “onluğ”a daxil olan Danimarka ABŞ-ı kənarda qoyub.
Hesabat dövründə DÇ-2022-nin seçmə mərhələsi çərçivəsində Lüksemburq (1:2), İrlandiya (1:1) və Portuqaliya (0:3) ilə qarşılaşan Azərbaycan yığması 5 pillə geriləyib. Canni de Byazinin baş məşqçisi olduğu komanda 1158 xalla 117-ci yerdə qərarlaşıb.
Türkiyə yığması 1455 xalla dünyanın 41-cisidir. “Ay-ulduzlular” 2 addım geriləyib.
Xatırladaq ki, siyahıda dünyanın 210 komandası yer alıb.
FİFA reytinqində “Top-10”
1 (1). Belçika – 1832
2 (2). Braziliya – 1812
3 (4). İngiltərə – 1755
4 (3). Fransa – 1754
5 (5). İtaliya – 1736
6 (6). Argentina – 1725
7 (8). Portuqaliya – 1675
8 (7). İspaniya – 1674
9 (9). Meksika – 1666
10 (11). Danimarka – 1658
