ETOPAZ 
“Everton” Premyer Liqada qalmağı bacardı
“Everton” İngiltərə Premyer Liqasında yerini qoruyub. Liverpul təmsilçisi XXXIII turundan təxirə salınan matçda “Kristal Pelas”ı 3:2 hesabı ilə məğlub edib.
Bununla da “Everton” sona bir tur qalmış Çempionşipə düşməyəcəyini rəsmiləşdirib. Mersisaydlılar 37 oyundan sonra xal hesabımı 39-a çatdırıb.
16-cı sırada qərarlaşan komanda turnir cədvəlindəki qonşularından 4 xal öndədir. Aşağı dəstəyə yuvarlanacaq üçüncü komanda “Lids” və ya “Bernli” olacaq. Hər iki klubun aktivində 35 xal var.
Qeyd edək ki, “Uotford”la “Norviç”in Çempionşipə yuvarlanması öncədən rəsmiləşib.
