ETOPAZ 
Belçikadan ardıcıl 2 məğlubiyyət
Millətlər Liqasında 3-cü yerin sahibi bəlli olub. İtaliya yığması Belçika üzərində 2:1 hesablı qələbə qazanıb.
Bu, Roberto Martinesin yetirmələrinin ardıcıl ikinci məğlubiyyəti olub. “Qırmızı iblislər” yarımfinalda Fransaya 2:3 hesabı ilə uduzub.
Belçika yığması 11 ildən sonra ardıcıl 2 rəsmi matçda məğlubiyyətlə üzləşib. 2009-10-cu illərdə yığma ardıcıl üç dəfə yenilib. 2009-cu ilin oktyabrında Estoniyaya 0:2, 2010-cu ilin sentyabrında isə Almaniyaya 0:1, Türkiyəyə 2:3 hesablı məğlubiyyət qeydə alınıb.
