“Ayntraxt”ın ikinci zəfəri: 42 ildən sonra
Avropa Liqasında 2021/22 mövsümünə yekun vurulub. Qitənin ikinci dərəcəli klub turnirinin final matçı İspaniyanın Sevilya şəhərində baş tutub.
“Ramon Sançes Pisxuan” stadionunda “Ayntraxt” və “Reyncers” üz-üzə gəlib. Qarşılaşmanın əsas və əlavə vaxtı qalibi müəyyənləşdirməyib.
120 dəqiqə ərzindəki hər iki top ikinci 45 dəqiqəyə təsadüf edib. Görüşdə ilk qolu Şotlandiya təmsilçisi vurub. Co Alibo 57-ci dəqiqədə hesabı açıb. Almaniya klubu 12 dəqiqə sonra bərabərlik qoluna sevinib. Frankfurtluların heyətində Rafael Santos Borre fərqlənib.
Finalın taleyini penaltilər seriyası həll edib. Aaron Remsinin zərbəsini qaytaran Kevin Trap “Ayntraxt”ın 5:4 hesablı qələbəsinə töhfəsini verib. Bununla da Frankfurt klubu tarixində ikinci dəfə avrokuboklarda qalib olub. Bundesliqa təmsilçisi ilk uğurunu 42 il əvvəl UEFA kubokunun 1979/80 mövsümündə yaşayıb.
![](https://blog.etopaz.az/media/2022/05/FTETgFoXwAIZzGF.jpg)
![](https://blog.etopaz.az/media/2022/05/eintracht_frankfurt_v_rangers_fc_-_uefa_europa_league_final_2021_22-2.webp)
![](https://blog.etopaz.az/media/2022/05/zenit_st._petersburg_v_glasgow_rangers_-_uefa_cup_final.webp)
![](https://blog.etopaz.az/media/2022/05/eintracht_frankfurt_v_rangers_fc_-_uefa_europa_league_final_2021_22-1.webp)
![](https://blog.etopaz.az/media/2022/05/eintracht_frankfurt_v_rangers_fc_-_uefa_europa_league_final_2021_22.webp)
![](https://blog.etopaz.az/media/2022/05/eintracht_frankfurt_v_rangers_fc_-_uefa_europa_league_final_2021_22-2.jpeg)
![](https://blog.etopaz.az/media/2022/05/fbl-eur-c3-frankfurt-rangers.webp)
![](https://blog.etopaz.az/media/2022/05/eintracht_frankfurt_v_glasgow_rangers_-_uefa_europa_league.jpeg)
![](https://blog.etopaz.az/media/2022/05/fbl-eur-c3-frankfurt-rangers.jpeg)
![](https://blog.etopaz.az/media/2022/05/eintracht_frankfurt_v_rangers_fc_-_uefa_europa_league_final_2021_22-3.webp)