ETOPAZ 
“Atletiko”dan ABŞ-a
“Atletiko”nun futbolçusu MLS klubuna keçib. Madrid təmsilçisinin yarımmüdafiəçisi Hektor Herrera karyerasını ABŞ-da davam etdirəcək.
Meksikalı oyunçu “Hyuston Dinamo” klubu ilə anlaşıb. Tərəflər arasında 3 illik müqavilə imzalanıb.
Onun Madrid klubu ilə müqaviləsi iyun ayının 30-da bitəcək. 31 yaşlı yarımmüdafiəçi yeni komandasına yayda qoşulacaq.
Qeyd edək ki, Hektor Herrera “Atletiko”ya 2019-cu ilin yayında “Porto”dan keçib.
