ETOPAZ 
Andresku “Top-10”dan kənarda
Qadın tennisçilərin WTA reytinqi açıqlanıb. “US Open”dən sonra reytinqdə bəzi dəyişikliklər baş verib. Turnirin qalibi Emma Radukanu 127, finalçı Leyla Fernandes 45 pillə irəliləyib.
İlk “onluq”da da dəyişikliklər qeydə alınıb. Naomi Osaka iki pillə geriləyib. O, Karolina Plişkova və Elina Svitolinadan geri düşüb. 2 pillə irəliləyən Barbora Kreyçikova İqa Şventeklə Byanka Andreskunu arxada qoyub. Byanka “Top-10”u tərk edib. Onun buradakı yerini Petra Kvitova tutub. Kvitova kimi Qarbinye Muqurusa da bir addımlıq irəliləyişə nail olub.
1 (1). Eşli Barti (Avstraliya) – 10075
2 (2). Arina Sobolenko (Belarus) – 7720
3 (4). Karolina Plişkova (Çexiya) – 5315
4 (5). Elina Svitolina (Ukrayna) – 4860
5 (3). Naomi Osaka (Yaponiya) – 4796
6 (6). Sofiya Kenin (ABŞ) – 4692
7 (9). Barbora Kreyçikova (Çexiya) – 4668
8 (8). İqa Şventek (Polşa) – 4571
9 (10). Qarbinye Muqurusa (İspaniya) – 4380
10 (11). Petra Kvitova (Çexiya) – 4060
