Sürpriz kupon – 09.09.2024
Türkiyə – İslandiya 1
Türkiyə cari Millətlər Liqasındakı ilk matçında səfərdə Uelslə qolsuz heç-heçə oynadı. Qardaş ölkənin azarkeşlərini bu nəticə qane edə bilməz. Komanda İslandiya ilə qarşılaşmada qələbə qazanmağa çalışacaq. AVRO 2024-də 1/4 finalacan irəliləyən “ay-ulduzlar”ın bu məqsədin öhdəsindən gələcəyini düşünürəm.
Kipr – Kosovo 2
İlk turda Rumıniyaya böyük hesabla uduzan Kosovo Kipr səfərində azarkeşlərinin gözündə bəraət qazanmağa çalışacaq. Komandalar ötən Millətlər Liqasında 2 dəfə qarşılaşıb və hər iki oyunu Kosovo udub – 2:0 və 5:1. Bu dəfə də meydan sahiblərinin rəqibin təzyiqi qarşısında davam gətirəcəyi inandırıcı görünmür.
Fransa – Belçika
İstənilən vaxt qol vuracaq: Kilian Mbappe
Üç gün öncə Parisdə ilk dəqiqədə vurduqları qolla önə keçdikləri matçda gözlənilmədən İtaliyaya 1:3 uduzan fransızlar bu məğlubiyyətin əvəzini Belçikadan çıxmağa çalışacaq. Meydan sahiblərinin hücumlarında önə çıxacaq ilk adam bəllidi. İtalyanlarla oyunda fərqlənə bilməyən Kilian Mbappenin qol vuracağına mərc edə bilərik.