ETOPAZ 
Musadan iki qol
Azərbaycan millisinin futbolçusu Musa Qurbanlı İsveç çempionatında növbəti oyununu keçirib. Onun şərəfini qoruduğu “Yurqorden” bu gün “Deqefors”u qəbul edib.
İsveç çempionatının 21-ci turunun matçında “Yurqorden” 4:1 hesablı qələbə qazanıb. Meydana start heyətində çıxan Musa 2 qol və 1 assistlə yadda qalıb. Dubl müəllifi olan hücumçumuz ikinci hissədə penaltini də qaçırıb. O, 89-cu dəqiqədə əvəzlənib.
Qeyd edək ki, 37 xala malik “Yurqorden” 4-cü pillədə qərarlaşıb.
