ETOPAZ 
Xavinin “Barselona”dakı debüt tarixi
İspaniya millisinin və “Barselona” klubunun sabiq futbolçusu Xavi keçmiş komandasının baş məşqçisi olmağa yaxındır. Qətərin “Əl-Sədd” klubunu çalışdıran mütəxəssis artıq gələn həftə yeni komandasının “sükanı arxası”na keçə bilər.
Onun noyabrın 6-da bu vəzifədə debüt edəcəyi gözlənilir. XIII turda Barselonanın eyniadlı təmsilçisi “Selta” ilə qarşılaşacaq.
Xavinin geniş məşqçilər korpusu olacağı bildirilir. Onun 6 assistenti olacaq.
Xatırladaq ki, niderlandlı baş məşqçi Ronald Kumanın istefasından sonra komanda müvəqqəti Serxi Barxuana tapşırılıb.
