ETOPAZ 
Tarixin ikincisi – İzner
ABŞ tennisçisi Con İzner tarixi nailiyyətə imza atıb. 36 yaşlı idmançı Tsintsinatti şəhərindəki “Masters” turnirində Kemeron Norrini məğlubiyyətə uğradıb – 4:6, 7:6, 6:4. Amerikalı tennisçi bu qarşılaşmada 26 eysə imza atıb.
Bununla da İznerin karyerası ərzində topu oyuna daxil edərkən qazandığı xalların sayı 13004-ə çatıb. O, tennis tarixində 13 mindən çox eys edən ikinci raketka ustasıdır.
Bunadək yalnız xorvatiyalı İvo Karloviç bunu bacarıb. O, 13709 dəfə eysə imza atıb.
