ETOPAZ 
Sofiya Kenin qayıdır, Serena Uilyams yenə kənarda
İndian-Uellsdə keçiriləcək turnirin iştirakçıları müəyyənləşib. Oktyabrın 7-17-də təşkil olunacaq yarışda dünya tennisinin liderlərinin əksəriyyəti də mübarizə aparacaq. Kişilərin yarışında “Top-80”dən yalnız üç nəfər olmayacaq. Bunlar Rafael Nadal, Dominik Tim və Rocer Federerdir. Zədə səbəbindən bir müddət kortlardan kənar qalan Sten Vavrinka, Miloş Raoniç və Born Çoriç də turnirdə qüvvəsini sınayacaq.
Qadınların yarışında “Top-75”dən yalnız Serena Uilyams, Ven Szyan və Laura Ziqemund turnirdə oynamayacaq. Sofiya Kenin isə “Uimbldon”dan sonra ilk dəfə korta çıxacaq.
