ETOPAZ 
Sobolenkoya 2,1 milyonluq mükafat
“Australian Open”də qadınların yarışına yekun vurulub. Arina Sobolenko turnirin qalibi olub.
Belaruslu tennisçi finalda Yelena Rıbakinaya qalib gəlib – 4:6, 6:3, 6:4. Bu, Arinanın karyerasında “Böyük dəbilqə” turnirlərinin ilk çempionluğudur.
O, Melburndakı qələbə ilə dünya reytinqində 2-ci yerə yüksələcək. Sobolenko 2,1 milyon dollar mükafat qazanıb. Rıbakina isə 1,2 milyonla kifayətlənib.
