ETOPAZ 
“Selta”dan 39 ilin antirekordu
“Selta” İspaniya La Liqasında son 39 ildə özünün ən uğursuz startına imza atıb. Viqo təmsilçisi ilk 5 turda cəmi 1 xal toplayıb.
Bu antirekord V turun “Kadis”lə oyunundan sonra rəsmiləşib. Viqolular bu matçda 1:2 hesabı ilə uduzub.
“Selta” sonuncu belə uğursuz starta 1982/83 mövsümündə imza atıb. 39 il əvvəl viqolular belə startdan sonra mövsümün sonunda Primeranı tərk edib. Komanda turnir cədvəlində 18-ci sırada qərarlaşıb.
