“Sabah”dan ardıcıl ikinci məğlubiyyət

“Sabah”dan ardıcıl ikinci məğlubiyyət

Azərbaycan Premyer Liqasında 24-cü tur davam edir. İkinci oyun günü Şamaxıda başlayıb. Şəhərin eyniadlı komandası “Sabah”ı qəbul edib.

Qarşılaşmada bütün qollar ikinci hissədə vurulub. Amil Yunanov 72-ci dəqiqədə hesabı açıb. Beş dəqiqə sonra Aleksey Kaşuk bərabərlik qoluna imza atıb.

Matçın taleyi uzatma dəqiqələrində həll olunub. 90+5-ci dəqiqədə penaltidən yararlanan Amil dublunu rəsmiləşdirib. Bu top “Şamaxı”ya qələbə qazandırıb – 2:1.

Bölgə təmsilçisi 4 matçlıq məğlubiyyətsizliyə son qoymaqla son pilləni tərk edib. Ardıcıl ikinci məğlubiyyətini alan “Sabah” isə çempionluq mübarizəsində növbəti zərbəni alıb.

1	Qarabağ	23	19	4	0	57-13	61
2	Sabah	24	16	5	3	51-18	53
3	Neftçi	23	15	3	5	41-21	48
4	Zirə	24	10	5	9	27-31	35
5	Qəbələ	24	8	8	8	28-28	32
6	Turan Tovuz	24	7	5	12	19-29	26
7	Şamaxı	24	4	7	13	21-38	19
8	Sumqayıt	23	4	6	13	15-38	18
9	Səbail	24	4	5	15	19-41	17
10	Kəpəz	23	3	8	12	22-43	17

Bombardirlər: Musa Qurbanlı (“Qarabağ”) – 16 qol, Ramil Şeydayev (“Qarabağ”) – 15 qol, Coy Lens Mikels (“Sabah”) – 12 qol, Emin Mahmudov (“Neftçi”) – 11 qol, Aleksey Kaşuk (“Sabah”) – 10 qol