ETOPAZ 
Ronaldodan yeni rekord
İngiltərənin “Mançester Yunayted” klubunun futbolçusu Kriştiano Ronaldo yeni rekorda imza atıb. Portuqaliyalı hücumçu Çempionlar Liqasının qrup mərhələsinin III turunda fərqlənib.
36 yaşlı forvard İtaliya “Atalanta”sı ilə matçın 81-ci dəqiqəsində qol vurub. Berqamo təmsilçisi Ronaldonun Çempionlar Liqasında qol vurduğu 38-ci komanda olub. Bu, turnirin yeni rekordudur.
Xatırladaq ki, “Mançester Yunayted” ev oyununda 3:2 hesablı qələbə qazanıb.
