ETOPAZ 
Ronaldo baş məşqçisiz qaldı
Kriştiano Ronaldonun çıxış etdiyi “Əl Nəsr” klubu baş məşqçi Rudi Qarsiyanı istefaya göndərib. Səudiyyə Ərəbistanı klubunun nəticələri rəhbərliyi qane etməyib.
Bu üzdən 59 yaşlı mütəxəssislə futbolçuların münasibətləri də korlanıb. “Əl Feyha” ilə oyundan (0:0) sonra paltardəyişmə otağında baş məşqçi və futbolçular arasında mübahisə yaranıb.
Qeyd edək ki, “Əl Nəsr” Səudiyyə Ərəbistanı liqasının lideri “Əl İttihad”dan 3 xal geri qalaraq ikinci yerdə qərarlaşıb.
