ETOPAZ 
Qış Olimpiya Oyunları Fransada keçiriləcək
2030-cu il Qış Olimpiya və Paralimpiya Oyunlarına ev sahibliyi edəcək ölkə müəyyənləşib. Bu barədə qərarı Beynəlxalq Olimpiya Komitəsi verib.
Qurumun bu gün keçirilən 142-ci sessiyasında yarışlara ev sahibi Fransa Alpları seçilib. Bu ölkə dördüncü dəfə Qış Olimpiya Oyunlarını qəbul edəcək. 1924 (Şamoni), 1968 (Qrenobl) və 1992-ci ildə (Albertvil) də Fransa yarışların təşkilatçısı olub.
Qeyd edək ki, bu il Paris-2024 Yay Olimpiya Oyunları da Fransada keçirilir. Yarışın açılış mərasimi iyulun 26-da baş tutacaq.
