ETOPAZ 
“Qarabağ”ın II təsnifat mərhələsindəki mümkün rəqibləri
Çempionlar Liqasının II təsnifat mərhələsinin püşkatması ərəfəsində UEFA komandaları və cütləri qruplara bölüb. Azərbaycan çempionu “Qarabağ”ın mümkün rəqiblərinin sayı 5-ə enib.
Ağdam klubunun Polşa “Lex”i ilə cütü A qrupunda səpələnmişlərdəndir. Bu cütlükdə qalib komanda üçün 3 variant var. Bunlardan ikisi cüt, biri ilk raunddan azad olan klubdur: “Slovan” (Slovakiya) – “Dinamo” (Batumi, Gürcüstan) cütünün qalibi, “Şkupi” (Şimali Makedoniya) – “Linkoln” (Cəbəllütariq) cütünün qalibi, “Sürix” (İsveçrə).
Sabah keçiriləcək püşkatma Bakı vaxtı ilə saat 14:00-da başlayacaq.
