ETOPAZ 
“Qarabağ”dan böyükhesablı qələbə
Azərbaycan Premyer Liqasında XV tura yekun vurulub. Turun son gününün yeganə qarşılaşması Bakıda baş tutub.
“Qarabağ” Tofiq Bəhramov adına Respublika stadionunda “Qəbələ”ni qəbul edib. Görüş erkən qolla başlayıb. Hamidu Keyta qonaqların qapısına yol tapıb. Ağdam klubu ikinci hissədə fərqi artırıb. Nəriman Axundzadə qol sevinci yaşayıb – 2:0. Uzatma dəqiqələrində isə Olavio Juninyo fərqi üç topa çatdırıb. “Qarabağ” bununla da böyükhesablı qələbə qazanıb – 3:0.
Qeyd edək ki, növbəti turun matçları dekabrın 8-10-da keçiriləcək.
