ETOPAZ 
Nurkiçdən qeyri-adi göstərici
“Finiks”in basketbolçusu Yusuf Nurkiç NBA tarixinə düşüb. O, əfsanəvi Denis Rodmanın qeyri-adi nailiyyətini təkrarlayıb.
Bosniyalı mərkəz oyunçusu buna “Klippers”lə görüşdə nail olub. 29 yaşlı balkanlı 3 xal, 19 ribaund və 10 ötürməyə imza atıb.
O, son 40 mövsümdə ikinci oyunçudur ki, ribaund və ötürmələrinin cəmi 25-i keçsə də, oyundan yalnız bir dəqiq atış edib. Buna yalnız Rodman nail olmuşdu.
Nurkiç ikixallıq atış və cərimə atışı ilə fərqlənib. “Finiks” 124:108 hesabı ilə qalib gəlib.
