ETOPAZ 
“Minnesota” tarixində ikinci
Karl-Entoni Tauns “Minnesota”nın tarixinə düşüb. Mərkəz oyunçusu klubun heyətində 10 min xal səddini arxada qoyan ikinci basketbolçu olub.
Tauns bu rəqəmə “Denver”lə matçda çatıb. O, 124:107 hesablı qələbəyə 32 xalla töhfə verib.
Bununla da Karl-Entoninin “Minnesota”dakı xallarının sayı 10008-ə çatıb. Yalnız bir klubda oynayan Taunsa qədər “Timbervulvz”un yalnız bir üzvü belə məhsuldar olub. Kevin Qarnett 19201 xal yığıb.
