ETOPAZ 
Messidən üçüncü assist “het-triki”
Lionel Messi karyerasında üçüncü dəfə bir oyunda üç assist müəllifi olub. Bu, Fransa Liqa1-in XV turunda baş verib.
PSJ-nin hücumçusu “Sent-Etyenn” üzərində 3:1 hesablı qələbədə üç qolun ötürməsini verməklə pay sahibi olub. Argentinalının əvvəlki iki assist het-triki “Barselona”nın heyətində reallaşıb. 2016-cı il martın 12-də “Xetafe”, 2020-ci fevralın 9-da “Betis”lə qarşılaşmada Messi üç qola ötürmə verib.
“Sent-Etyenn”lə görüş daha iki məqamla əlamətdar olub. Serxio Ramos Paris klubunda debüt edibsə, Neymar zədələnərək meydandan çıxarılıb. Braziliyalının durumuna müayinələrdən sonra tam aydınlıq gələcək.
