ETOPAZ 
Mbappenin keçidinin açıqlanacağı vaxt müəyyənləşdi
İspaniya “Real”ı PSJ-nin hücumçusu Kilian Mbappeni mövsümün sonunda heyətinə cəlb edəcəyinə əmindir. “Kral klubu” Fransa millisinin üzvünün keçidini açıqlayacağı tarixi də müəyyənləşdirib.
Çempionlar Liqasının 1/8 final mərhələsində məhz PSJ ilə qarşılaşacaq İspaniya nəhəngi fransızlarla görüşlərdən sonra 23 yaşlı forvardı rəsmən təqdim etməyi planlaşdırır. Bu komandalar arasında oyunlar gələn il fevralın 15-də və martın 9-da keçiriləcək.
Mbappe bu mövsüm PSJ-nin heyətində 24 matçda 15 qol vurub, 15 məhsuldar ötürmə verib. Onun klubla müqavilə müddəti gələn ilin yayına qədərdir.
