ETOPAZ 
Masazırda məhsuldar sülh, “Neftçi” uduzdu
Azərbaycan Premyer Liqasında X tura start verilib. “Zəfər turu”nun ilk günündə iki oyun keçirilib.
“Sabah” Masazırda “Zirə” ilə qarşılaşıb. 6 qolun vurulduğu matçda məhsuldar heç-heçə qeydə alınıb. Qonaqların hər üç qoluna imza atan Davit Volkov mövsümün ilk het-trikinin müəllifi olub.
Son çempion “Neftçi” “Keşlə”nin qonağı olub. Meydan sahibləri iki top fərqi ilə geri düşsələr də əzmkar qələbə qazanıblar – 3:2. “Neftçi” ardıcıl ikinci məğlubiyyətini alıbsa, iki turluq xal həsrətinə son qoyan “Keşlə” 6-cı pilləyə yüksəlib.
Xatırladaq ki, tura sabah keçiriləcək “Səbail” – “Qəbələ” və “Sumqayıt” – “Qarabağ” oyunları ilə yekun vurulacaq.
