“Mançester Yunayted”də 4 müqavilə

“Mançester Yunayted”də 4 müqavilə

“Mançester Yunayted” dörd futbolçusu ilə müqaviləni uzadıb. Klub rəhbərliyi oyunçuların müqaviləsindəki uzadılma bəndini aktivləşdirib.

Dioqo Dalot, Lük Şou, Fred və Markus Reşford daha bir il Premyer Liqa təmsilçisində qalacaq. Bu oyunçuların müqavilələri 2023-cü ilin yayında bitməli idi. Sözləşmələr uzadıldıqdan sonra onlar 2023/24 mövsümünün sonunadək “qırmızı şeytanlar”ın sıralarında olacaq. Premyer Liqa təmsilçisi bu futbolçularla yeni daha uzunmüddətli anlaşmalar barədə danışıqlara da start verib.

Qeyd edək ki, “Mançester Yunayted” müqaviləsi yayda başa çatacaq futbolçulardan yalnız qapıçısı David de Xea ilə bağlı qərar verməyib.