ETOPAZ 
Levandovskinin agenti Münhendə
“Bavariya”nın hücumçusu Robert Levandovskinin agenti Pini Zahavi Münhenə gəlib. O, 33 yaşlı polşalının müqaviləsi ilə bağlı vəziyyəti klub rəhbərliyi ilə müzakirə etmək niyyətindədir.
Levandovskinin hazırkı sözləşməsi 2023-cü ilin iyun ayının sonuna kimidir. Daha əvvəl futbolçunun “Barselona”ya keçə biləcəyi də bildirilmişdi.
Qeyd edək ki, Levandovski 2014-cü ildən “Bavariya”da çıxış edir. Hücumçu 2021/22 mövsümündə komandasının heyətində 43 matçda 48 qol vurub və 6 məhsuldar ötürmə edib.
