ETOPAZ 
“İnter” itkisiz davam edir
A Seriyasında 28-ci tur davam edir. Çempionatın lideri “İnter” turu qələbə ilə başa vurub.
Komanda səfərdə “Bolonya”ya qalib gəlib. Görüşün taleyini bir qol həll edib. Yann Bissek 37-ci dəqiqədə qələbə topunun müəllifi olub. “İnter” bütün turnirlərdə ardıcıl 13-cü qələbəsini qazanıb. Simone İnzaginin yetirmələri sonuncu dəfə ötən il dekabrın 29-da uduzublar. “Bolonya”nın isə 6 oyunluq qələbə seriyası başa çatıb.
