ETOPAZ 
Fransa 1/4 finalda
Dünya çempionatının 1/8 final mərhələsi davam edir. Fransa Polşa ilə qarşılaşıb.
“Üçrənglilər” görüşə fəal başlayıb. Qarşılıqlı hücumlar quran komanda istəyinə 44-cü dəqiqədə çatıb. Olivye Jiru hesabı açıb. İkinci yarı da eyni ssenari ilə keçib. Bu səfər səhnəyə Kilyan Mbappe çıxıb. PSJ-nin forvardı dubla imza atıb. Matçda son qolu Robert Levandovski vurub. O, penaltini dəqiq yerinə yetirib – 1:3.
